საქართველოში ბინადრობის ნებართვის მიღების პროცედურა
2 აპრილი, 2021
„უფლებები საქართველო“ სამართლებრივ დახმარებას სთავაზობს საქართველოში მცხოვრებ მიგრანტებს მიგრაციის საერთაშორისო ორგანიზაციის (IOM) EMERGE პროექტის ფარგლებში, რომელიც ნორვეგიის საგარეო საქმეთა სამინისტროს დაფინანსებით ხორციელდება.
პროექტის ფარგლებში „უფლებები საქართველო“ მიგრანტებს დროულ და კვალიფიციურ სამართლებრივ დახმარებას უწევს შერჩეულ საქმეებზე, რომლებიც უკავშირდება:
- ბინადრობის ნებართვის განაცხადებს;
- უფლებების ხელმისაწვდომობას;
- უფლებების ხელმისაწვდომობასთან დაკავშირებულ სხვა საქმეებს, სადაც მეორე მხარეს წარმოადგენს სახელმწიფო უწყება.
სამართლებრივი დახმარება მოიცავს ადმინისტრაციული ორგანოებისა და საქართველოს საერთო სასამართლოების წინაშე წარმომადგენლობას.
ჩამოტვირთეთ ბროშურა „უფლებები საქართველოს“ სამართლებრივი სერვისების და საქართველოში ბინადრობის ნებართვის მიღების პროცედურის შესახებ: არაბული, სპარსული, ინგლისური, რუსული, ქართული
