იურიდიული დახმარება

„უფლებები საქართველოს“ საქმიანობის ერთ-ერთ ძირითად მიმართულებას უფასო სამართლებრივი კონსულტაციების და საადვოკატო მომსახურების გაწევა წარმოადგენს.  

სამართლებრივი კონსულტაცია გულისხმობს პირისპირ ან სატელეფონო კომუნიკაციას კვალიფიციურ იურისტთან, ხოლო საადვოკატო მომსახურება მოიცავს იურიდიული დოკუმენტების (განცხადებების, საჩივრების, სარჩელების და ა.შ.) შედგენას, აგრეთვე წარმომადგენლობას ადმინისტრაციულ ორგანოებსა და ადგილობრივ და საერთაშორისო სასამართლო ინსტანციებში. 

სამართლებრივი კონსულტაციით სარგებლობა შეუძლია ნებისმიერ პირს. რაც შეეხება ადმინისტრაციულ ორგანოებსა და სასამართლოში წარმომადგენლობას, პირისათვის ადვოკატის დანიშვნა წყდება საქმის გარემოებების და ბენეფიციარის საჭიროებების გათვალისწინებით. ამ მხრივ, ორგანიზაციის პრიორიტეტს წარმოადგენს მოწყვლადი და მარგინალიზებული ჯგუფების დაცვა.  

იურიდიული დახმარების მისაღებად ისარგებლეთ შემდეგი საკონტაქტო ინფორმაციით:

 

ტელ. ნომერი: +995 (32) 299 88 56
მისამართი: აკაკი გახოკიძის 11ა, 0160, თბილისი, საქართველო
ელ. ფოსტა: office@rights.ge
სამუშაო საათები: ორს. - პარ. / 10:00 - 18:00

იურიდიული დახმარების სფეროში განხორციელებული პროექტები:

 

• გამოხატვის თავისუფლების დაცვა საქართველოში (2020 წ.)
• უცხო ქვეყნის მოქალაქეების უფლებების დაცვა და გაძლიერება საქართველოში საერთაშორისო სტანდარტების შესაბამისად (2020 წ.)
• ქალი მსჯავრდებულებისთვის, რომელთაც განუცდიათ ძალადობა და დისკრიმინაცია, და მათი დაუცველი შვილებისთვის სერვისების მიწოდების გაუმჯობესება (2016-2019 წწ.)
• ქალთა, განსაკუთრებით კი ეთნიკურ უმცირესობათა ჯგუფს მიკუთვნებულ ქალთა გაძლიერება და მართლმსაჯულებაზე ხელმისაწვდომობის ხელშეწყობა (2016-2017 წწ.)
• დისკრიმინაციის ყველა ფორმის აღმოფხვრის შესახებ კანონის აღსრულების ხელშეწყობა და მონიტორინგი (2014-2015 წწ.)
• მცირე და საშუალო ბიზნესების მფლობელთა სასამართლოსადმი ნდობის ამაღლება (2013-2014 წწ.)
• დევნილი მოსახლეობის სამართლებრივი დახმარება ადამიანის უფლებათა ევროპულ სასამართლოში (2008-2009 წწ.)
• მოწყვლადი და მარგინალური ჯგუფების წარმომადგენელთა სამართლებრივი დახმარების აღმოჩენა სასჯელაღსრულების დაწესებულებებში (2008 წ.)
• ტრეფიკინგის მსხვერპლთა იდენტიფიკაციისა და დახმარების ხელშეწყობა საქართველოში (განსაკუთრებით აჭარის რეგიონში) (2006 წ.)
• უფასო იურიდიული დახმარება სოციალურად დაუცველთათვის თბილისის საოლქო სასამართლოში (2002-2005 წწ.)