ე.წ. ,,ჭკვიანი" კამერები შეკრებისა და გამოხატვის თავისუფლებების წინააღმდეგ - საინფორმაციო ბარათების სერია

3 February, 2026

2025 წლის იანვრიდან საქართველოში საგრძნობლად გაიზარდა ვიდეოთვალთვალის და სახის ამომცნობი ტექნოლოგიების გამოყენება, განსაკუთრებით — საპროტესტო აქციების მონაწილეთა მიმართ.

ამგვარი მონიტორინგის შედეგად მუშავდება მოქალაქეთა განსაკუთრებული კატეგორიის, მათ შორის, ბიომეტრიული მონაცემები. ეს პრაქტიკა ეწინააღმდეგება როგორც საქართველოს კანონმდებლობას, ისე საერთაშორისო სტანდარტებს და საფრთხეს უქმნის პირადი ცხოვრების ხელშეუხებლობას, შეკრებისა და გამოხატვის თავისუფლებებს.

„უფლებები საქართველომ“ მოამზადა საინფორმაციო ბარათების სერია, რომლის მიზანია საზოგადოებისთვის ცნობიერების ამაღლება ე.წ. „ჭკვიანი კამერების“ გამოყენებისა და მათგან გამომდინარე რისკების შესახებ.

დამატებით, გიზიარებთ 2025 წლის ზაფხულში შემუშავებულ პრაქტიკულ გზამკვლევს იურისტებისთვის, რომელიც ეხება ბიომეტრიული მონაცემების დამუშავებას შეკრებებისა და მანიფესტაციების დროს.

• ჭკვიანი კამერები გამოხატვისა და შეკრების თავისუფლებების წინააღმდეგ - საინფორმაციო ბარათი

• ჭკვიანი კამერები და საპოლიციო მონაცემთა ბაზები - საინფორმაციო ბარათი

• ჭკვიანი კამერები და მონაცემთა დამუშავებაზე ზეგავლენის შეფასება - საინფორმაციო ბარათი

• ჭკვიანი კამერები და რჩევები მონაცემთა სუბიექტისთვის - საინფორმაციო ბარათი

 

შენიშვნა: გზამკვლევის მომზადების პერიოდში პერსონალურ მონაცემთა დაცვის სამსახურის გაუქმება ჯერ არ იყო ინიციირებული, ამიტომ უფლებამოსილ ორგანოდ განხილულია აღნიშნული სამსახური.