ვაკანსია: ადვოკატი ამბროლაურში

17 აგვისტო, 2023

ა(ა)იპ „უფლებები საქართველო” აცხადებს კონკურსს ადვოკატის შესარჩევად, რომელიც იმუშავებს ამბროლაურის სამართლებრივი დახმარების ცენტრში. 

ვაკანსია ცხადდება პროექტის - „გენდერული და ოჯახში ძალადობის მსხვერპლთა მხარდაჭერა“ ფარგლებში, რომელსაც ASB საქართველო, „უფლებები საქართველოსთან“ და კიდევ ოთხ ორგანიზაციასთან ერთად, ევროკავშირის მხარდაჭერით ახორციელებს.

ანაზღაურება:  630 ევროს ეკვივალენტი ლარში, დონორის მიერ განსაზღვრული კურსის შესაბამისად (დარიცხული ხელფასი, საიდანაც გამოიქვითება საშემოსავლო გადასახადი და საპენსიო შენატანი)
სამუშაოს დაწყების დრო: 18 სექტემბერი, 2023
სამუშაოს ტიპი: სრული განაკვეთი 
ხელშეკრულების ვადა: 2023 წლის 31 დეკემბრის ჩათვლით (მოიცავს 2-თვიან გამოსაცდელ ვადას), გაგრძელების პერსპექტივით. 

მოვალეობები, საკვალიფიკაციო მოთხოვნები და უნარ-ჩვევები მოვალეობები:

-    პროექტის ბენეფიციარებისათვის სამართლებრივი კონსულტაციების და იურიდიული დახმარების გაწევა მათ უფლებრივ მდგომარეობასთან დაკავშირებულ საკითხებზე (სისხლის, სამოქალაქო და ადმინისტრაციული სამართლის მიმართულებით); 
-    განაცხადების, საჩივრების და სხვა სამართლებრივი დოკუმენტების მომზადება;
-    საქმის წარმოება და ბენეფიციარების ინტერესების წარმომადგენლობა საერთო სასამართლოებში და ადმინისტრაციულ ორგანოებში (სისხლის, სამოქალაქო და ადმინისტრაციული სამართლის მიმართულებით);
-    პარტნიორ არასამთავრობო ორგანიზაციებთან თანამშრომლობა;
-    გასვლითი საინფორმაციო შეხვედრების დაგეგმვა შესაბამისი რეგიონის სოფლებში და სამართლებრივი დახმარების გაწევა ადგილობრივი მოსახლეობისათვის;
-    პროექტის და ორგანიზაციის მიზნებისათვის, სხვა შესაბამისი მოვალეობების შესრულება.

საკვალიფიკაციო მოთხოვნები:

-    უმაღლესი იურიდიული განათლება (სასურველია მაგისტრის ხარისხი).
-    სასურველია საერთო სასამართლოებში სამართალწარმოების გამოცდილება;
-    სისხლის სამართლის სამართლის ან საერთო სპეციალიზაციის ადვოკატის მოწმობა (უპირატესობა მიენიჭება საერთო სპეციალიზაციის მქონე კანდიდატებს);
-    სასურველია კანდიდატს ჰქონდეს დამატებითი სპეციალიზაცია არასრულწლოვანთა მართლმსაჯულების/ბავშვის უფლებების დაცვის მიმართულებით;
-    გენდერულ და ოჯახში ძალადობის მსხვერპლთა მხარდაჭერის კუთხით სამუშაო გამოცდილება ჩაითვლება უპირატესობად;
-    საოფისე კომპიუტერული პროგრამების ცოდნა;
-    ინგლისური ან/და რუსული ენების ცოდნა სასურველია.

უნარ-ჩვევები:

-    პასუხისმგებლობის მაღალი გრძნობა და გუნდური მუშაობა;
-    ბენეფიციარებთან სწორი და ეთიკური კომუნიკაცია;
-    მაღალი შრომის დისციპლინა;
-    შემჭიდროებულ ვადებში სამუშაოს დროულად შესრულება;

ვაკანტურ პოზიციებზე მომართვის მსურველებმა, 2023 წლის 01 სექტემბრის ჩათვლით, უნდა წარმოადგინონ შემდეგი დოკუმენტაცია მითითებულ ელექტრონულ მისამართზე rightsgeorgia@gmail.com:

1.    CV ქართულ ენაზე;
2.    სამოტივაციო წერილი ქართულ ენაზე;
3.    ორი რეკომენდატორის მონაცემები.

სავალდებულოა, მეილის დასახელებაში მიუთითოთ ის პოზიცია, რომელზეც შემოგაქვთ განაცხადი.

შერჩევა გაიმართება სამ ეტაპად: 

1.    წარმოდგენილი დოკუმენტაციის ანალიზი და შეფასება; 
2.    გასაუბრება 
3.    წერითი დავალების შესრულება; 

გთხოვთ, გაითვალისწინოთ, რომ არასრულყოფილად წარმოდგენილი განაცხადები განხილული არ იქნება.